Huawei Çində Enjoy 60 Pro smartfonunu təqdim edib. Sözügedən yeni smartfon öz yüksək olmayan satış qiyməti və böyük həcmli batareyası ilə seçilir. Smartfon 90 Hz-lik təsvir yenilənməsinə sahib Full HD+ keyfiyyətli 6.8 düym yastı IPS ekran ilə təchiz olunub. Ekranın yuxarı mərkəz hissəsində isə ön kamera üçün nəzərdə tutulmuş kiçik dairəvi çıxıntı yerləşdirilib. Barmaq izi skanı texnologiyası yandırıb/söndürmə düyməsinə inteqrasiya edilib.

    Əsas texniki göstəricilər baxımından Huawei Enjoy 60 Pro Snapdragon 680 prosessoru, 8 GB RAM, 128/256 GB daxili yaddaş həcmi, 50 MP + 2 MP ikili arxa kamera, 8 MP-lik ön kamera və 40 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. Smartfon Çin bazarında yaxın günlərdə satışa çıxacaq və 128 GB yaddaşa sahib versiya 227$-a, 256 GB yaddaşa sahib versiya isə 256$-a satılacaq.