Huawei Mate 60-ın arxa panel fotosu təqdim edilib

    Çinli insayderlərdən biri Huawei şirkətinin hələ təqdim olunmamış yeni smartfonunun arxa panel fotosunu təqdim edib. Çox güman ki, söhbət, Mate 60-dan gedir. Smartfonun arxa panelindəki kamera sahəsinin forması məhz Huawei Mate seriyasına xas olan formadır. İnsayderin verdiyi məlumata əsasən fotoda əks olunmuş arxa paneldəki kəsik hissələr telekamera, periskop kamera, ultragenişbucaqlı kamera və dəyişkən diafraqmaya sahib olacaq əsas kamera üçün nəzərdə tutulub. Burdan da belə qənaətə gəlmək olar ki, fotoda əks olunmuş smartfon dördlü arxa kamera ilə təchiz olunacaq. Bu isə o deməkdir ki, söhbət, dəqiq şəkildə flaqman smartfondan gedir. Digər mənbələrin verdikləri məlumatlara əsasən Huawei hal hazırda aktiv şəkildə Mate 60 smartfon seriyası üzərində çalışır.