Keçən həftə Huawei şirkəti Mate 60 smartfon seriyasını təqdim etdi. Sözügedən seriyaya Mate 60 və Mate 60 Pro modelləri daxildirlər. Lakin şirkət bu smartfonların hansı prosessor vasitəsilə çalışdıqları barəsində məlumat verməmişdi. Yalnız müəyyən müddətdən sonra məlum oldu ki, Mate 60 Pro modeli Kirin 9000S adlı prosessor vasitəsilə çalışır. İndi isə adi Mate 60-ın hansı prosessora sahib olduğu məlum olub. Ortaya çıxmış screenshot fotolara əsasən adi Mate 60 modeli də Kirin 9000S prosessoru vasitəsilə çalışır. Qeyd etmək lazımdır ki, sözügedən prosessor 2.15 GHz çalışma tezliyinə və Maleoon 910 adlı qrafikaya sahibdir. AnTuTu testində bu prosessor 700 000 xal toplayır. Müqayisə üçün qeyd etmək lazımdır ki, digər şirkətlərin aktual prosessorları AnTuTu testində 1 milyondan çox xal yığırlar.