Huawei Mate 60 smartfon seriyasının daha bir modelini təqdim etməyə hazırlaşır

    Huawei şirkəti artıq Mate 60 ilə Mate 60 Pro-nu təqdim edib. Lakin insayderlərin vermiş olduqları yeni məlumata əsasən şirkət Mate 60 seriyasının daha bir modelini təqdim etməyə hazırlaşır. Söhbət, Mate 60 Pro+ modelindən gedir. İnsayderlər bildiriblər ki, Huawei Mate 60 Pro+ modelinin ekranı, sürətli şarj texnologiyası göstəricisi, performansı və digər özəllikləri adi Mate 60 Pro modeli ilə eyni olacaq. Sadəcə olaraq Mate 60 Pro+ modeli daha yaxşı əsas arxa kamerası ilə adi Mate 60 Pro-dan fərqlənəcək. İnsayderlər Mate 60 Pro+ modelinin əsas arxa kamerası barəsində məlumatları təqdim etməyiblər. Lakin qeyd etmək lazımdır ki, adi Mate 60 Pro modeli optik stabilizasiyaya sahib dəyişkən diafraqmalı 50 MP-lik əsas arxa kameraya sahibdir. Mate 60 Pro+ modelinin təqdimatı istənilən an baş tuta bilər.