Huawei Mate 70, Mate 70 Pro və Mate 70 Pro+ təqdim olunub - QİYMƏTİ
Cihazlar+
26.11.2024
Emil Nəcəfov
Huawei şirkəti Çində keçirtmiş olduğu təqdimat tədbiri çərçivəsində yeni smartfonlarını təqdim edib. Söhbət, Mate 70 smartfon seriyasından və qatlana bilən bilən Mate X6 smartfonundan gedir. Bu xəbərdə biz ilk növbədə Mate 70, Mate 70 Pro və Mate 70 Pro+ modellərinə nəzər yetirəcəyik. Yerdə qalan smartfonlar barəsində məlumatlar isə növbəti xəbərlərdə qeyd ediləcək. Beləliklə Mate 70 smartfonları xarici görünüşcə ümumi olaraq bir-birilərinə bənzəsələr də müəyyən fərqlilik var. Belə ki, adi Mate 70 modelinin yastı gövdə dizaynını əldə etdiyi halda Mate 70 Pro modelləri kənarları əyilmiş gövdə dizaynını əldə ediblər. Bununla belə hər 3 smartfonun arxa panelində dairəvi kamera sahəsi yerləşir.
Mate 70 modeli 1 Hz-dən 120 Hz-ə kimi təsvir yenilənməsinə sahib 2688x1216 piksel keyfiyyətli 6.7 düym ölçülü OLED ekranla təchiz olunub. Ekranın maksimal parlaqlıq səviyyəsi 2500 nit təşkil edir və o, Kunlun Glass 2 adlı qoruyucu şüşə ilə əhatə olunub. Mate 70 Pro və Mate 70 Pro+ modellərinə gəldikdə isə hər iki smartfon 1 Hz-dən 120 Hz-ə kimi təsvir yenilənməsinə sahib 2832x1316 piksel keyfiyyətli 6.9 düym ölçülü OLED ekranla təchiz olunub. Bu smartfonlarda ekranın maksimal parlaqlıq səviyyəsi 2500 nit təşkil edir və üstəlik Mate 70-də olduğu kimi ekran Kunlun Glass 2 qoruyucu şüşəsi ilə əhatə olunub.
Adi Mate 70 modelində barmaq izi skanı yandırıb/söndürmə düyməsinə, Mate 70 Pro modellərində isə birbaşa ekrana inteqrasiya edilib. Bütün Mate 70 modellərinin gövdələri IP68/69 standartları üzrə sudan qorunma özəlliyinə sahibdirlər. Şirkət bu smartfonların hansı prosessor vasitəsilə çalışdığını açıqlamayıb. Lakin çox güman ki, söhbət, Kirin 9020 prosessorundan gedir. Mate 70 və Mate 70 Pro modelləri 12 GB RAM ilə 256/512 GB/1 TB daxili yaddaş həcmini, Mate 70 Pro+ modeli isə 16 GB RAM ilə 512 GB/1 TB daxili yaddaş həcmini əldə edib.
Mate 70 modeli özündə 50 MP + 40 MP + 12 MP üçlü arxa kameranı, Mate 70 Pro modeli özündə 50 MP + 40 MP + 48 MP üçlü arxa kameranı, Mate 70 Pro+ modeli isə özündə 50 MP + 40 MP + 48 MP + 1.5 MP dördlü arxa kameranı birləşdirir. Hər 3 smartfon 13 MP-lik ön kameraya sahibdir. Batareya mövzusunda Mate 70 modeli 66 vatt gücündə sürətli şarj texnologiyalı 5300 mAh enerji tutumlu batareya ilə təchiz olunub və üstəlik 50 vatt gücündə sürətli naqilsiz şarj texnologiyasının dəstəyini əldə edib.
Mate 70 Pro modeli isə 5500 mAh enerji tutumlu batareya ilə, Mate 70 Pro+ modeli isə 5700 mAh enerji tutumlu batareya ilə təchiz olunub. Hər iki smartfon 100 vatt gücündə naqilli şarj texnologiyasını və 80 vatt gücündə sürətli naqilsiz şarj texnologiyasını dəstəkləyir. Mate 70 smartfonlarının Çində satışlarına dekabr ayının əvvəlində start veriləcək. Mate 70-in qiyməti 757$-dan, Mate 70 Pro-nun qiyməti 895$-dan, Mate 70 Pro+ modelinin qiyməti isə 1170$-dan başlayacaq. Bu smartfonların qlobal versiyaları daha sonra təqdim olunacaqlar.
Linki kopyala
Bənzər xəbərlər
Oxşar xəbərlər
Huawei MatePad Pro 13.2 planşetinin yeni versiyasının təqdimatı anons edilib
Huawei MatePad Pro 13.2 planşetinin yeni versiyasının təqdimatı anons edilib
Huawei şirkəti artıq rəsmi şəkildə təsdiqləyib ki, 26 noyabr tarixində Mate 70 smartfonları və qatlana bilən Mate X6 smartfonu təqdim olunacaqlar. İndi isə şirkət həmin tarix üçün daha bir yeni cihazının təqdimatını anons edib.
Təqdimatas hazırlaşan qatlana bilən Huawei Mate X6 smartfonunu xarici görünüşü sərgilənib
Təqdimatas hazırlaşan qatlana bilən Huawei Mate X6 smartfonunu xarici görünüşü sərgilənib
Huawei şirkəti 26 noyabr tarixində Mate 70 smartfonları ilə yanaşı üstəlik yeni qatlana bilən smartfonunu da təqdim edəcək.
Huawei Mate 70 Pro+ smartfonunun xarici görünüşü rəsmi şəkildə sərgilənib
Huawei Mate 70 Pro+ smartfonunun xarici görünüşü rəsmi şəkildə sərgilənib
Huawei şirkəti Mate 70 smartfon seriyasını 26 noyabr tarixində təqdim edəcək. Bu seriyaya daxil olacaq modellərdən biri isə Mate 70 Pro+ olacaq. İndi isə məlum olub ki, şirkətin top menecerlərindən biri olan Richard Yu sözügedən modelin xarici görünüşünü şəxsən özü sərgiləyib.
Huawei Mate 70 smartfon seriyasının təqdimatı rəsmi şəkildə anons edilib
Huawei Mate 70 smartfon seriyasının təqdimatı rəsmi şəkildə anons edilib
Bununla yanaşı şirkət əlavə foto vasitəsilə Mate 70-in xarici görünüşünü də sərgiləyib.
Huawei MatePad 13.2 planşetinin davamçısı təqdimata hazırlaşır
Huawei MatePad 13.2 planşetinin davamçısı təqdimata hazırlaşır
Huawei şirkəti keçən ilin payız fəslində MatePad Pro planşetinin 13.2 düym ölçülü ekrana sahib versiyasını təqdim etmişdi.
Həftənin xəbərləri
