Huawei Mate 70 RS Ultimate Design premium smartfonu təqdim edilib - QİYMƏTİ

     Huawei şirkəti Mate 70 smartfonları ilə yanaşı bu seriyanın ən premium modelini də təqdim edib. Söhbət, Mate 70 RS Ultimate Design modelindən gedir. Bu model öz xarici görünüşü baxımından digər Mate 70 modellərindən bir qədər fərqlənir. Smartfon kənarları əyilmiş gövdə dizaynını əldə edib və onun arxa panelində 8 bucaqlı formada kamera sahəsi yerləşir. Arxa panel keramikadan hazırlanıb. Texniki göstəricilər baxımından isə smartfon Mate 70 Pro modelləri ilə eynidir.

     Belə ki, Mate 70 RS Ultimate Design modeli 1 Hz-dən 120 Hz-ə kimi təsvir yenilənməsinə sahib 2832x1316 piksel keyfiyyətli 6.9 düym ölçülü OLED ekranla təchiz olunub. Ekranın maksimal parlaqlıq səviyyəsi 2500 nit təşkil edir və o, Kunlun Glass 2 qoruyucu şüşəsi ilə əhatə olunub. Smartfonun gövdəsi IP68/69 standartları üzrə sudan qorunma özəlliyinə sahibdir. Digər Mate 70 modellərində olduğu kimi Mate 70 RS Ultimate Design-da da hansı prosessorun çalışdığı açıqlanmayıb. Lakin bunun Kirin 9020 olduğu güman edilir.

     Mate 70 RS Ultimate Design smartfonu 16 GB RAM ilə 512 GB/1 TB daxili yaddaş həcmini əldə edib. Kameralar mövzusunda smartfon 50 MP + 40 MP + 48 MP + 1.5 MP dördlü arxa kameraya və 13 MP-lik ön kameraya sahibdir. Batareyaya gəldikdə smartfon 100 vatt gücündə sürətli şarj texnologiyalı 5700 mAh enerji tutumlu batareya ilə təchiz olunub və üstəlik 80 vatt gücündə sürətli naqilsiz şarj texnologiyasını dəstəkləyir. Mate 70 RS Ultimate Design-ın satışlarına Çində 4 dekabr tarixində start veriləcək və onun qiyməti 1654$-dan başlayacaq.

Bənzər xəbərlər

Cihazlar+

Huawei Mate 70, Mate 70 Pro və Mate 70 Pro+ təqdim olunub - QİYMƏTİ

Huawei şirkəti Çində keçirtmiş olduğu təqdimat tədbiri çərçivəsində yeni smartfonlarını təqdim edib. Söhbət, Mate 70 smartfon seriyasından və qatlana bilən bilən Mate X6 smartfonundan gedir. Bu xəbərdə biz ilk növbədə Mate 70, Mate 70 Pro və Mate 70 Pro+ modellərinə nəzər yetirəcəyik.

Cihazlar+

Huawei MatePad Pro 13.2 planşetinin yeni versiyasının təqdimatı anons edilib

Huawei şirkəti artıq rəsmi şəkildə təsdiqləyib ki, 26 noyabr tarixində Mate 70 smartfonları və qatlana bilən Mate X6 smartfonu təqdim olunacaqlar. İndi isə şirkət həmin tarix üçün daha bir yeni cihazının təqdimatını anons edib.

Cihazlar+

Təqdimatas hazırlaşan qatlana bilən Huawei Mate X6 smartfonunu xarici görünüşü sərgilənib

Huawei şirkəti 26 noyabr tarixində Mate 70 smartfonları ilə yanaşı üstəlik yeni qatlana bilən smartfonunu da təqdim edəcək.

Cihazlar+

Huawei Mate 70 Pro+ smartfonunun xarici görünüşü rəsmi şəkildə sərgilənib

Huawei şirkəti Mate 70 smartfon seriyasını 26 noyabr tarixində təqdim edəcək. Bu seriyaya daxil olacaq modellərdən biri isə Mate 70 Pro+ olacaq. İndi isə məlum olub ki, şirkətin top menecerlərindən biri olan Richard Yu sözügedən modelin xarici görünüşünü şəxsən özü sərgiləyib.

Cihazlar+

Huawei Mate 70 smartfon seriyasının təqdimatı rəsmi şəkildə anons edilib

Bununla yanaşı şirkət əlavə foto vasitəsilə Mate 70-in xarici görünüşünü də sərgiləyib.