Huawei MatePad Pro 12.2 planşeti təqdim edilib - QİYMƏTİ

Cihazlar+

06.08.2024

Emil

Huawei öz yeni flaqman planşetini təqdim edib. Söhbət, Huawei MatePad Pro 12.2-dən gedir. Bu yeni planşetin əsas fərqləndirici özəlliyi iki laylı OLED ekrana sahib olmasıdır. Bu cür OLED ekran 33% daha yüksək enerji effektivliyini sərgiləyir və üstəlik 3 dəfə daha uzun müddət ərzində çalışa bilir. Beləliklə Huawei MatePad Pro 12.2 planşeti 144 Hz-lik təsvir yenilənməsinə sahib 2.8K keyfiyyətli 12.2 düym ölçülü OLED ekranla təchiz olunub. Ekranın maksimal parlaqlıq səviyyəsi 2000 nit təşkil edir.

Planşetin qalınlığı 5.5 mm, çəkisi isə 508 qramm təşkil edir. Huawei MatePad Pro 12.2 planşeti Kirin 9010W prosessoru vasitəsilə çalışır və 12/16 GB RAM ilə 256/512 GB/1 TB daxili yaddaş həcmini əldə edib. Kameralar mövzusunda planşet 13 MP + 8 MP ikili arxa kameraya və 8 MP-lik ön kameraya sahibdir. Batareyaya gəldikdə isə planşet 100 vatt gücündə sürətli şarj texnologiyalı 10 000 mAh enerji tutumlu batareya ilə təchiz olunub. Planşet özündə 8 ədəd səsgücləndiricini birləşdirir. Planşetin Çin bazarında qiymətləri aşağıdakı kimidir. Onun qlobal bazarda satılıb-satılmayacağı bilinmir.

- 12 GB RAM + 256 GB yaddaş - 600$

- 12 GB RAM + 512 GB yaddaş - 670$

- 16 GB RAM + 1 TB yaddaş - 939$.

Paylaş

huawei matepad pro 12.2

huawei

Bənzər xəbərlər