Huawei şirkəti heç gözlənilmədən nova 11i smartfonunu təqdim edib. Sözügedən smartfon Çin bazarından kənarda satılacaq. Nova 11i smartfonu 90 Hz-lik təsvir yenilənməsinə sahib Full HD+ keyfiyyətli 6.8 düym LCD ekran ilə təchiz olunub. Ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Barmaq izi skanı texnologiyası yandırıb/söndürmə düyməsinə inteqrasiya edilib.

    Nova 11i özündə həmçinin kontaktsız ödənişlər üçün NFC çipini və stereo səsgücləndiriciləri birləşdirir. Əəsas texniki göstəricilərə gəldikdə isə smartfon Snapdragon 680 prosessoru, 8 GB RAM, 128 GB daxili yaddaş həcmi, 48 MP + 2 MP ikili arxa kamera, 16 MP-lik ön kamera və 40 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. Huawei nova 11i smartfonunun nə zaman satışa çıxacağı və hansı qiymətə satılacağı barəsində heç bir məlumat verməyib.