Huawei nova 13 və nova 13 Pro təqdim olunub - QİYMƏTİ

     Huawei şirkəti nova 13 smartfon seriyasını təqdim edib. Bu seriyaya iki model daxil olub. Huawei nova 13 və nova 13 Pro. Bu smartfonlar həm xarici görünüşcə həm də bəzi texniki göstəricilər baxımından bir-birilərindən fərqlənirlər. Adi nova 13 modeli yastı gövdə və ekran dizaynını əldə edib. Nova 13 Pro modeli isə yastı ekranı əldə etsə də, onun gövdəsinin kənar hissələri dairəvi formaya sahibdirlər. Bununla yanaşı adi nova 13-dən fərqli olaraq nova 13 Pro-nun ekranı üzərində oval formalı çıxıntı hissə yerləşir.

     Beləliklə adi nova 13 modeli 60 Hz-dən 120 Hz-ə kimi təsvir yenilənməsinə sahib 2412x1084 piksel keyfiyyətli 6.7 düym ölçülü OLED ekranla, nova 13 Pro modeli isə 1 Hz-dən 120 Hz-ə kimi təsvir yenilənməsinə sahib 2776х1224 piksel keyfiyyətli 6.76 düym ölçülü OLED ekranla təchiz olunub. Hər iki smartfonda barmaq izi skanı texnologiyası ekrana inteqrasiya edilib. Huawei bu smartfonların hansı prosessor vasitəsilə çalışdığını açıqlamayıb. Lakin çox güman ki, söhbət, Kirin 8000 adlı prosessordan gedir.

     Bununla belə hər iki smartfon özündə 12 GB RAM ilə 256/512 GB/1 TB daxili yaddaş həcmini birləşdirir. Kameralar mövzusunda adi nova 13 modeli 50 MP + 8 MP ikili arxa kameraya və 60 MP-lik ön kameraya, nova 13 Pro modeli isə 50 MP + 8 MP + 12 MP üçlü arxa kameraya və 60 MP + 8 MP ikili ön kameraya sahibdir. Hər iki smartfon 100 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. Smartfonlar artıq Çində satışa çıxıblar. Adi nova 13-ün qiyməti 379$-dan, nova 13 Pro-nun qiyməti isə 519$-dan start götürür. Smartfonların qlobal bazarda satışa çıxıb-çıxmayacaqları bilinmir.

Bənzər xəbərlər

Cihazlar+

Təqdimatdan bir gün öncə Huawei nova 13 Pro smartfonu Geekbench testlərindən keçib

Huawei nova 13 smartfon seriyası artıq sabah təqdim olunacaq. Bu seriyaya minimum iki model daxil olacaq. Huawei nova 13 və nova 13 Pro.

Cihazlar+

Təqdimata hazırlaşan Huawei nova 13 Pro barəsində bəzi təfərrüatlar təqdim edilib

Huawei şirkəti 22 oktyabr tarixində nova 13 smartfon seriyasını təqdim edəcək. Bu seriyaya minimum iki model daxil olacaq. Huawei nova 13 və nova 13 Pro.

Cihazlar+

İnsayderlər Huawei Mate 70 smartfon seriyasının təqdimat tarixini açıqlayıblar

Huawei şirkəti hələ Mate 70 smartfon seriyasını təqdim etməyib. Lakin bunun bu ilin sonuna kimi baş tutacağı gözlənilir. Daha öncə güman olunurdu ki, Mate 70 smartfonları sentyabr ayının sonunda təqdim olunacaqlar.

Cihazlar+

Huawei Mate 70 smartfonları iki əməliyyat sisteminə sahib ola bilərlər

Huawei şirkəti bu ilin sonuna kimi Mate 70 smartfonlarını təqdim etməlidir. Ortaya çıxmış yeni məlumata əsasən Mate 70 smartfonları iki əməliyyat sisteminə sahib ola bilərlər.

Cihazlar+

Huawei nova 13 smartfon seriyasının təqdimatı anons edilib

Qeyd etmək lazımdır ki, Huawei nova 13 seriyasına minimum iki model daxil olacaq. Huawei nova 13 və nova 13 Pro.