Huawei nova Y91 smartfonu təqdim edilib

    Huawei şirkəti nova seriyasının yeni smartfonunu təqdim edib. Söhbət, nova Y91-dən gedir. Sözügedən yeni smartfon böyük ölçülü ekranı, böyük həcmli batareyası və 50 MP-lik əsas arxa kamerası ilə fərqlənir. Beləliklə nova Y91 smartfonu 90 Hz-lik təsvir yenilənməsinə sahib Full HD+ keyfiyyətli 6.95 düym LCD ekran ilə təchiz olunub. Ön kamera ekranın yuxarı hissəsindəki geniş çıxıntının daxilinə yerləşdirilib. Barmaq izi skanı texnologiyası yandırıb/söndürmə düyməsinə inteqrasiya edilib.

    Smartfon həmçinin özündə kontaktsız ödənişlər üçün nəzərdə tutulmuş NFC çipi birləşdirir. Əsas texniki göstəricilərə gəldikdə isə nova Y91 smartfonu Snapdragon 680 prosessoru, 8 GB RAM, 128/256 GB daxili yaddaş həcmi, 50 MP + 2 MP ikili arxa kamera, 8 MP-lik ön kamera və 22.5 vatt gücündə sürətli şarj texnologiyalı 7000 mAh enerji tutumlu batareya ilə təchiz olunub. Şirkət nova Y91-in nə zaman və hansı qiymətə satışa çıxacağı barəsində məlumatı daha sonra təqdim edəcək.