Huawei P60 Pro-nun sahib olacağı kameralardan birinin göstəriciləri məlum olub

    Huawei yaxın zamanda öz növbəti flaqman smartfon seriyası olacaq Huawei P60-ı təqdim etməlidir. İndi isə Digital Chat Station ləqəbli məşhur insayder bu seriyaya daxil olacaq Huawei P60 Pro-nun kameralarından biri barəsində məlumat verib. Beləliklə insayderin sözlərinə əsasən Huawei P60 Pro modeli RYYB işıq filtrinə sahib 64 MP-lik (OV64B obyektivi) teleobyektiv ilə təchiz olunacaq. Bununla yanaşı insayder qeyd edib ki, smartfonun əsas kamerası dəyişkən diafraqmaya sahib olacaq. Digər bir məlumata əsasən isə smartfon təsviri 3.5 dəfə böyütmək imkanını özündə birləşdirəcək. Qeyd etmək lazımdır ki, RYYB işıq filtri özündən 40-50% daha çox işıq keçirdir. Buna görə də Huawei P60 Pro-nun teleobyektivi gecə rejimində keyfiyyətli fotolar çəkmə özəlliyinə sahib olacaq. Huawei P60 smartfon seriyasının dəqiq təqdimat tarixi barəsində hələ heç bir məlumat yoxdur.