Keçən ay Huawei şirkəti P60 smartfon seriyasını və qatlana bilən Huawei Mate X3 smartfonunu təqdim etmişdi. Lakin təqdimat Çində baş tutmuşdu. İndi isə şirkət sözügedən cihazların qlobal versiyalarının təqdimatlarını anons edib. Beləliklə Huawei P60 smartfon seriyası ilə qatlana bilən Mate X3 smartfonunun qlobal versiyaları 9 may tarixində Almaniyada təqdim olunacaqlar. Huawei P60 smartfon seriyasının qlobal versiyasına minimum iki model daxil olacaq. Huawei P60 və P60 Pro. Huawei P60 Art modelinə gəldikdə isə o, böyük ehtimal ilə eksklüziv olaraq Çin bazarı üçün qalacaq.