Huawei şirkəti növbəti təqdimat tədbirinin tarixini anons edib

    Son aylar ərzində olmuş çoxlu sayda məlumat sızıntısından sonra Huawei şirkəti sonunda növbəti təqdimat tədbirinin keçirilmə tarixini rəsmi şəkildə elan edib. Beləliklə şirkət bildirib ki, onun növbəti təqdimat tədbiri 23 mart tarixində baş tutacaq. Tədbir Çində keçiriləcək. Təqdimat tədbiri çərçivəsində şirkət özünün yeni flaqman smartfon seriyası olacaq Huawei P60-ı təqdim etməlidir. Bu yeni flaqman smartfon seriyasına 2 modelin daxil olacağı gözlənilir. Huawei P60 və P60 Pro. Bununla yanaşı şirkət yeni qatlana bilən smartfonunu da təqdim edə bilər. Söhbət, Huawei Mate X3-dən gedir.