Huawei şirkətinin 3 qat qatlana bilən smartfonu olduqca baha qiymətə satıla bilər
Cihazlar+
14.08.2024
Emil
Son zamanlarda ortaya çıxmış məlumatlara əsasən Huawei şirkəti 3 qat qatlana bilən smartfonunu təqdim etməyə hazırlaşır. Hətta bir neçə müddət bundan öncə sözügedən smartfon şirkətin top menecerlərindən biri olan Richard Yu-nun əlində də görüldü. İndi isə insayderlər bildiriblər ki, Huawei şirkətinin 3 qat qatlana bilən smartfonunu əldə etmək istəyəcək istifadəçilər indidən onun yüksək qiymətinə özlərini hazırlamalıdırlar.
Onların sözlərinə əsasən sözügedən smartfonun test versiyasının dəyəri təqribi olaraq 4890$ təşkil edir. Gözləntilərə əsasən smartfonun final versiyası satışa çıxan zaman onun qiyməti bir qədər aşağı olacaq. Söhbət, 4050$ satış qiymətindən gedir. Bu cür satış qiyməti smartfonun məhdud sayda satışa çıxma ehtimalı ilə bağlı ola bilər. Lakin bu barədə konkret bir məlumat yoxdur. Huawei şirkətinin 3 qat qatlana bilən smartfonun hansı ad altında satılacağı və onun nə zaman təqdim olunacağı hələ bilinmir.
Paylaş
Ən çox oxunanlar
ABŞ ordusu zirehli texnika əvəzinə dronlara üstünlük verəcək
