HUAWEI WATCH 5-ZAMANI AŞAN DİZAYN VƏ PREMİUM KEYFİYYƏT ESTETİK GÖRÜNÜŞ VƏ DÖZÜMLÜ KORPUS

    HUAWEI WATCH 5 — texnologiya və zərifliyin birləşməsidir. Bu model yalnız ağıllı saat funksiyaları ilə deyil, həm də premium materialları və minimalist dizaynı ilə seçilir. Saatın korpusu aerokosmik sinif titandan hazırlanıb, bu da onu həm yüngül, həm də son dərəcə davamlı edir. Ekranı isə sferik sapfir şüşə ilə qorunur, bu material cızılmaya qarşı yüksək müqavimətə malikdir və şüşənin illərlə parlaqlığını qoruyur.

    Dizayn baxımından HUAWEI WATCH 5 sadəliyi və zərifliyi özündə birləşdirir. 46 mm və 42 mm-lik iki ölçü variantı ilə təqdim olunan model hər zövqə uyğundur. Rəng seçimi də kifayət qədər genişdir — klassik qara rəngdən tutmuş zərif qumlu qızılı və enerjili bənövşəyiyə qədər. florelastomer və qayış variantları saatı həm idman üslubuna, həm də klassik geyimlərə uyğun edir.

    46mm-lik saatda 1.5 düymlük LTPO 2.0 AMOLED ekran istifadə olunub. Bu ekran 466x466 piksel icazəyə malikdir və 3000 nitə qədər maksimal parlaqlıq təqdim edir. Bu da o deməkdir ki, günəş işığında belə görüntü aydın və rəngarəng qalıru ltra-nazik çərçivələr ekranın görünüşünü daha geniş və cəlbedici edir.

YENI NƏSİL SAĞLAMLIQ TEXNOLOGİYALARI

   HUAWEI WATCH 5-in təqdim etdiyi ən mühüm yeniliklərdən biri “Multi-sensing X-TAP” texnologiyasıdır. Bu texnologiya sayəsində istifadəçi saatın üzərində sadəcə bir toxunuşla geniş sağlamlıq məlumatlarına çıxış əldə edə bilər. X-TAP modulu ECG, PPG və 10 səviyyəli taktil sensoru özündə birləşdirir, bu da yüksək dəqiqlik və operativlik təmin edir.

   İlk dəfə olaraq HUAWEI real vaxtda, davamlı şəkildə barmaq ucundan SpO2 (qan oksigen səviyyəsi) ölçməsini dəstəkləyir. Bu, xüsusilə yüksək hündürlükdə yaşayanlar və ya tənəffüs problemi olanlar üçün əvəzsiz funksiyadır. Sağlamlıq göstəricilərini yalnız 10 saniyəyə öyrənmək mümkündür.

    Bundan başqa, “Health Glance” funksiyası da istifadəçilərə tam bədən sağlamlıq hesabatı təqdim edir. Sadəcə 3 saniyə toxunuşla aktiv edilən bu funksiya 11 əsas göstərici üzrə (ürək ritmi, HRV, nəfəs, bədən temperaturu, arterial təzyiq) analiz aparır. Bu xüsusiyyətlə istifadəçi öz sağlamlığını gündəlik izləyə və vaxtında tədbir görə bilər.

     HUAWEI WATCH 5 həmçinin ürək sağlamlığına xüsusi diqqət yetirir. ECG oxunması, HRV metrikası və real vaxtlı məlumatlarla birlikdə, saat ürək fəaliyyətini daha ətraflı və individual şəkildə izləməyi mümkün edir. Sağlamlıq mərkəzli yanaşma onu bazarda rəqiblərindən ayıran əsas xüsusiyyətlərdəndir.

UZUNÖMÜRLÜ BATAREYA VƏ AĞILLI FUNKSİYALAR

    İstifadəçilərin ən çox dəyərləndirdiyi xüsusiyyətlərdən biri — uzun batareya ömrüdür. HUAWEI WATCH 5 da bu baxımdan seçilir. İki batareya rejimi ilə təchiz olunmuş saat, istifadəçilərə öz tələbatlarına uyğun seçim etmək imkanı verir.

    Standart rejimdə 46 mm model 4.5 gün, 42 mm isə 3 gün tipik istifadə təmin edir. Əgər “Always-On Display” funksiyası aktivdirsə, bu müddət bir qədər azala bilər. Enerji qənaətli rejim isə 46 mm üçün maksimum 11 gün, 42 mm üçün isə 7 günə qədər davam edir. Saat yalnız 15 dəqiqəlik sürətli simsiz enerji yığımı ilə bütün gün istifadəyə hazır olur.