Huawei yaxın zamanda Samsung-u qatlana bilən smartfonlar bazarında geridə qoya bilər

     DSCC şirkətinin analitikləri keçən rüb üzrə qatlana bilən smartfonlar bazarını analiz ediblər. Nəticədə onlar belə qənaətə gəliblər ki, cari rübdə Huawei şirkəti qatlana bilən smartfonlar bazarında Samsung-u geridə qoya bilər. Samsung şirkəti hal-hazırda bu bazarın lideri olaraq qalsa da, hesabatda bununla bağlı konkret rəqəmlər yoxdur. Huawei isə bu bazarda ikinci yeri tutur. Üstəlik Honor da qatlana bilən smartfonlar bazarında özünü pis hiss etmir. Analitiklərin gözləntilərinə əsasən Huawei bu ilin birinci rübündə qatlana bilən smartfonlar bazarında ilk dəfə Samsung-u geridə qoyacaq.