Digital Chat Station ləqəbli məşhur insayder bildirib ki, Huawei, ZTE və BOE şirkətləri qatlana bilən smartfonlar üçün ən yaxşı OLED ekranın istehsalı məsələsində bir-biriləri ilə əməkdaşlığa başlayıblar. Bununla belə söhbət, ön kameranı alt hissəsində birləşdirəcək OLED ekrandan gedir. İnsayderin sözlərinə əsasən bu şirkətlərin əməkdaşlıqları çərçivəsində artıq bir OLED ekran hazırlanıb və o, BOE Q8 adlanır. Hazırlanmış ekran Huawei şirkətinin yeni smartfonunda istifadə edilməlidir. İnsayder konkret olaraq hansı smartfonun yeni növ OLED ekrana sahib olacağı barəsində məlumat verməyib. Lakin digər insayderlər güman edirlər ki, söhbət, şirkətin növbəti qatlana bilən smartfonu olacaq Mate X4-dən gedir.