İnsayder: 'Samsung gələn il 6 ədəd qatlana bilən smartfon təqdim edəcək və Galaxy S24+ modelindən imtina edəcək'

    İnsayderlərdən biri Samsung şirkətinin 2024-cü ilə olan planları barəsində məlumat verib. İnsayder tərəfindən təqdim edilmiş məlumatlardan belə qənaətə gəlmək olar ki, Samsung-un gələn il üçün çox iddialı planları var. Beləliklə insayder bildirib ki, Samsung gələn il 6 ədəd qatlana bilən cihaz təqdim etməyi planlaşdırır. Söhbət, Galaxy Z Fold 6, Z Flip 6, Z Flip Ultra, Z Fold Ultra, Z Flex və Z Tab (qatlana bilən planşet) adl; cihazlardan gedir.

    İnsayder həmçinin qeyd edib ki, Galaxy Z Fold Ultra modeli 4K keyfiyyətli, Z Flip Ultra isə 2K keyfiyyətli ekran ilə təchiz olunacaq. Bununla yanaşı ekranlar Samsung Display tərəfindən istehsal ediləcək. Galaxy Z Fold 6 və Z Flip 6 üçün ekranların istehsalını isə BOE şirkəti reallaşdıracaq. Əlavə olaraq insayder qeyd edib ki, Samsung gələn ilki Galaxy S24 seriyasında Galaxy S24+ modelindən imtina edəcək və Galaxy K adlı yeni orta büdcəli smatfon seriyasını təqdim edəcək. Qeyd etmək lazımdır ki, verilmiş bütün bu məlumatlara müəyyən səviyyədə şübhə ilə yanaşmaq lazımdır.