İnsayderlər Samsung Galaxy S24 Ultra-nın bəzi texniki göstəricilərini açıqlayıblar

    Samsung gələn ilin əvvəlində Galaxy S24 smartfon seriyasını təqdim edəcək. Bu seriyaya Galaxy S24, S24+ və S24 Ultra modelləri daxil olmalıdırlar. İndi isə insayderlər Galaxy S24 Ultra barəsində yeni məlumatları təqdim ediblər. Onların sözlərinə əsasən sözügedən smartfon satışa çıxacağı regiondan asılı olaraq ya Snapdragon 8 Gen 3 ya da Exynos 2400 prosessoru vasitəsilə çalışacaq. Bununla yanaşı insayderlər bildiriblər ki, Galaxy S24 Ultra modeli 200 MP + 12 MP + 50 MP + 10 MP dördlü arxa kameraya və 12 MP-lik ön kameraya sahib olacaq. Məlumata əsasən smartfon 45 vatt gücündə sürətli şarj texnologiyalı 5000 mAh enerji tutumlu batareyanı özündə birləşdirəcək.