iPad Air 2 ildən sonra OLED ekrana keçid edə bilər
Cihazlar+
09.08.2024
Emil
Apple may ayında yeni iPad Air 2024 planşetini təqdim etdi. Yeni iPad Air iki versiyaya sahibdir. Birinci versiya 11 düym ölçülü ekranı, ikinci versiya isə 13 düym ölçülü ekranı əldə etdi. Hər iki versiya da M2 prosessoru vasitəsilə çalışır. Yeni iPad Air-in M2 prosessoruna keçid etməsinə baxmayaraq onda hələ də Liquid Retina IPS ekrandan istifadə edilir. Lakin istifadəçilər iPad Air-in OLED ekrana keçidini gözləyirlər.
Ortaya çıxmış yeni məlumatda isə bunun nə zaman baş verəcəyi əks olunub. The Elec saytının vermiş olduğu məlumata əsasən iPad Air planşeti OLED ekrana 2026-cı ildə keçid edəcək. Məlumatda qeyd edilib ki, 2026-cı ildəki iPad Air üçün OLED ekranların əsas istehsalçısı qismində Samsung Display çıxış edəcək. Söhbət, iPad Pro 2024-də istifadə edilən iki laylı Tandem OLED ekranlardan deyil, bir laylı OLED ekranlardan gedir. Bununla yanaşı məlumata əsasən Apple 2026-cı ildə 8.7 düym ölçülü OLED ekrana sahib iPad mini modelini də təqdim edə bilər.
Paylaş
Bənzər xəbərlər
Cihazlar+
iPhone 16-lar üçün ekran panellərinin istehsalına start verilib
Apple şirkətinin iPhone 16 smartfonlarını artıq gələn ay təqdim edəcəyi təsdiqlənib.
Proqram Təminatı
Apple Intelligence funksiyalarından istifadə aylıq hansı qiymətə başa gələcək?
Apple şirkətinin iyun ayında baş tutmuş WWDC 2024 konfransı çərçivəsində təqdim etmiş olduğu Apple Intelligence adlı ekosistem hamının diqqətini cəlb etdi.
Elm & Texnologiya
Apple A18 Pro prosessorunun yeni Geekbench test nəticələri açıqlanıb
Gələn ay təqdim olunacaq iPhone 16 seriyasına daxil olacaq iPhone 16 Pro və iPhone 16 Pro Max modellərinin Apple A18 Pro prosessoru vasitəsilə çalışacaqları gözlənilir.
Cihazlar+
M4 prosessoru vasitəsilə çalışacaq MacBook Air barəsində məlumatlar verilib
MaxTech adlı YouTube kanalı Apple şirkətinin hələ təqdim edilməmiş növbəti MacBook Air noutbuku barəsində məlumatlar verib.
Digər
Apple, yeni reklam çarxını silərək üzr istəyib!
Apple, daha əvvəllər iPad Pro-nun "Crush" adlı reklamı ilə sərt reaksiyalarla üzləşmiş və buna görə də üzr istəməli olmuşdu. İndi isə Apple-nin Taylanddakı yeni reklam çəkilişi də sərt reaksiya ilə qarşılanıb və yayımdan çıxarılıb.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
