main-post-cover

    iPhone 12-nin qutusunun render fotosu ortaya çıxıb: Qulaqlıq və şarj cihazı var?

    Cihazlar+
    08.07.2020
    Emil Nəcəfov
        Yeni iPhone modellərindən başlayaraq onların qutularının daxilindəki məhsulların saylarında ola biləcək dəyişiklik barəsində yayılmış məlumatlarən təsdiqi üçün yeni sübutlar ortaya çıxıb. Belə ki, bir neçə müddət bundan öncə insayderlər qeyd etmişdilər ki, bu ilki iPhone 12 qutularında naqilli qulaqlıq ilə şarj cihazı olmayacaq. İndi isə internetdə iPhone 12 modellərindən birinə məxsus olan qutunun daxili hissəsinin keyfiyyətli fotosu ortaya çıxıb.
        Məlumata əsasən alıcılar bu il həqiqətən də qulaqlıq ilə şarj cihazı kimi aksessuarları ayrıca almalı olacaqlar. Bu barədə Macrumors saytı xəbər verib. Təqdim olunmuş render fotoda qutu daxilinə yerləşdirilən və iki hissədən ibarət olan xüsusi nazik qablaşdırma əks olunub. Güman olunur ki, bir hissədə şarj prosesi üçün nəzərdə tutulmuş naqil, digər hissəfə isə təlimat kitabçası yerləşəcək.
        Qablaşdırmanın perimetri üzrə olan çökək formalı hissə smartfonun yerləşdirilməsi üçün nəzərdə tutulub. Məlumatda qeyd olunub ki, qutudan qulaqlıq ilə şarj cihazının çıxarılması qərarı öz növbəsində yeni smartfonların qiymətlərinin aşağı endirilməsinə yardımçı olacaq. Qeyd etmək lazımdır ki, Apple şirkəti yeni iPhone modellərinin qutularının məhz bu cür olacaqlarını hələ rəsmi şəkildə açıqlamayıb. 
    Linki kopyala