Təqdimatından iki il keçməsinə baxmayaraq Apple şirkəti iPhone 13 mini smartfonunun satışlarını dayandırmağa hazırlaşır. Bloomberg saytının məşhur insayderi Mark Gurman-ın sözlərinə əsasən Apple kiçik həcmdə iPhone 13 mini ehtiyatına sahibdir. Şirkət yerdə qalan iPhone 13 mini modellərini satdıqdan sonra onun istehsalını və satışlarını dayandıracaq. Qeyd etmək lazımdır ki, hal hazırda ABŞ-da iPhone 13 mini modelinin sifarişi halında smartfonun alıcıya 2-3 həftə ərzində çatdırılması baş tutur.

    Macrumors saytı isə öz növbəsində qeyd edib ki, iPhone 13 mini smartfonu iPhone mini seriyasının son modeli olacaq. Çox güman ki, iPhone 15 smartfon seriyasının təqdimatından sonra Apple iPhone 13 mini modelinin satışlarını artıq dayandıracaq. Bunun olacağı halda şirkətin kompakt ölçülü yeganə iPhone modeli iPhone SE olacaq. Qeyd etmək lazımdır ki, iPhone mini seriyasının ləğv ediləcəyi barəsində məlumat daha öncə də ortaya çıxmışdı. Məsələ burasındakdır ki, bu seriyanın satışları şirkəti heç də qane etmir. Belə ki, ona alıcılar tərəfindən tələbat çox aşağıdır.