Apple tərəfindən nadir görülən bir hərəkətlə, ən maraqlı iOS süni intellekt xüsusiyyətləri, iPhone 15 Pro üçün eksklüziv oldu. Apple Intelligence, heç vaxt iPhone 15 və ya iPhone 15 Plus-a gəlməyəcək. Bu, iPhone 15-in gələcəyi üçün xüsusilə də qarşıdan gələn iPhone 16 və iPhone SE 4 modelləri ilə müqyisədə böyük bir hadisədir. iPhone 16-nın satışa çıxarıldığı zaman Apple Intelligence üçün tam dəstək verməsi gözlənilir. Bu o deməkdir ki, istifadəçilər, Pro modelini seçib-seçməməsindən asılı olmayaraq güclü A18 çipi sayəsində iOS 18.1 ilə gələcək bütün yeni süni intellekt xüsusiyyətlərindən istifadə edə biləcəklər.

     iPhone 15 üçün əsl təhlükə əslində iPhone SE 4-dür. 2025 iPhone SE modeli, daha sərfəli qiymətə Apple Intelligence xüsusiyyətlərini təklif edəcək. 2022-ci ildən bəri yenilənməyən iPhone SE-nin OLED ekrana sahib olacağı və dizayn baxımından iPhone 14-ə bənzəyəcəyi gözlənilir. Buna görə də bu smartfon, iOS 18 AI xüsusiyyətlərini sevənlər üçün yaxşı seçim olacaq.

     Bu il Apple, yeni iOS versiyasının əsas xüsusiyyətlərini Pro modelləri ilə məhdudlaşdırdı. Apple-ın proqram mühəndisliyi üzrə rəhbəri Craig Federighi-nin sözlərinə görə, şirkət həmişə köhnə cihazlara yeni funksiyalar gətirməyə çalışır, lakin Apple Intelligence-in düzgün çalışması üçün müəyyən avadanlıq tələb olunur. iPhone 15 Pro modelləri, köhnə modellərdə yer alan A16 çipindən daha sürətli olan 16 nüvəli Neural Engine-ə A17 Pro çipindən istifadə edir. Federighi həmçinin bütün uyğun cihazların ən azı 8 GB RAM-a sahib olduğunu bildirərək RAM-ın da böyük bir rol oynadığını vurğulayır.