Apple şirkəti bu il iPhone 15 smartfon seriyasını təqdim edəcək. Bu seriyaya daxil olacaq modellər arasında iPhone 15 Plus-ın da olacağı gözlənilir. İndi isə insayderlər onun əsas arxa kamerası barəsində məlumat veriblər. Beləliklə insayderlərin sözlərinə əsasən iPhone 15 Plus modeli 48 MP-lik əsas arxa kamera ilə təchiz olunacaq. Bununla yanaşı onun kamerasında foto çəkilişi ilə bağlı daha bir yenilik reallaşdırılacaq.

    Belə ki, DRAM yaddaş çipi birbaşa təsvirlərin emalı prosessoru (ISP) ilə əlaqəli olacaq. Bu isə öz növbəsində smartfonla ISP arasındakı məlumat mübadiləsini sürətləndirəcək. İstifadəçi bunu dinamik obyektlərin fotolarını çəkən zaman hiss edəcək. Belə ki, bu cür obyektlərin çəkilmiş fotolarının keyfiyyətləri daha yüksək olacaqlar. Qeyd etmək lazımdır ki, iPhone 15 Plus-ın A16 Bionic prosessoru, ekran üzərində Dynamic Island çıxıntısı və ikili arxa kamera ilə təchiz olunacağı gözlənilir.