Apple artıq gələn ay iPhone 15 smartfon seriyasını təqdim edəcək. Bu səbəbdən də son zamanlarda bu smartfon seriyası barəsində daha çox məlumat ortaya çıxır. Qeyd etmək lazımdır ki, seriyaya iPhone 15, iPhone 15 Plus, iPhone 15 Pro və iPhone 15 Pro Max modelləri daxil olacaqlar. İndi isə Macrumors saytı iPhone 15 Pro modellərində olacaq minimal və maksimal daxili yaddaş həcmi barəsində məlumat verib. İndiyənə kimi iPhone Pro modelləri minimal olaraq 128 GB daxili yaddaşa sahib idilər.

    Lakin verilmiş yeni məlumata əsasən iPhone 15 Pro modelləri minimal olaraq 256 GB daxili yaddaş ilə təchiz olunacaqlar. Bununla yanaşı məlumatda qeyd edilib ki, sözügedən iPhone 15 modellərinin sahib olacaqları maksimal daxili yaddaş həcmi 2 TB təşkil edəcək. Hələ bir neçə müddət bundan öncə məlumat ortaya çıxmışdı ki, iPhone 14 Pro modelləri ilə müqayisədə iPhone 15 Pro modellərinin satış qiymətlərində artım olacaq. Çox güman ki, bunun əsas səbəblərindən biri də bu iPhone 15 modellərinin minimal olaraq 256 GB daxili yaddaş həcminə sahib olacaqlarındadır.