iPhone 15 Pro Max 5-6 qat optik zoom-a sahib kamera ilə təchiz oluna bilər

    Ortaya çıxmış məlumatlara əsasən Apple şirkəti bu il iPhone 15 Pro ilə 15 Pro Max arasındakı fərqi daha da artırmaq niyyətindədir. Yeni məlumatlarda qeyd edilib ki, bu smartfonlar bir-birilərindən təkcə ekran ölçüləri deyil həmçinin kameralar baxımından da fərqlənəcəklər. Hər iki smartfon üçlü arxa kamera ilə təchiz olunacaq. Lakin iPhone 15 Pro Max-da yaxşılaşdırılmış 5-6 qat optik zoom özəlliyi reallaşdırılacaq. Qeyd etmək lazımdır ki, hal hazırda aktual olan iPhone 14 Pro Max-da maksimum 3 qat optik zoom mövcuddur. Digər özəlliklər baxımından iPhone 15 Pro ilə 15 Pro Max-ın eyni olacaqları gözlənilir.