Satışlara startın verilməsinə az müddət qalmış iPhone 15 Pro Max smartfonunun AnTuTu bençmarkının testindən keçdiyi məlum olub. AnTuTu testinin nəticəsinə əsasən yeni smartfon həqiqətən də keçən ilki iPhone 14 Pro Max modelindən daha sürətli olub. Beləliklə məlumatda qeyd edilib ki, iPhone 15 Pro Max modeli AnTuTu testində ümumilikdə 1 641 883 xal toplayıb. Bunun 392 643 xalı CPU-nu, 587 734 xalı isə GPU-nu əhatə edib. Yerdə qalan xallar isə RAM yaddaşını və istifadəçi interfeysini əhatə ediblər. iPhone 14 Pro Max ilə müqayisədə iPhone 15 Pro Max-da göstəricilər 11% yüksəlib.