Son zamanlarda ortaya çıxmış məlumatlara əsasən Apple şirkəti iPhone 15 smartfonlarının satış qiymətlərini artıracaq. İndi isə daha bir analitik bunun olacağını təsdiqləyib. Wedbush şirkətinin analitiki Dan Ives bildirib ki, iPhone 15 seriyasına daxil olacaq iPhone 15 Pro-nun qiyməti 1099$-dan, iPhone 15 Pro Max-ın qiyməti isə 1199$-dan start götürəcək. Yəni hər iki modelin qiymətində 100$ dəyərində artım olacaq. Bununla belə gözləntilərə əsasən iPhone 15 və iPhone 15 Plus-ın qiymətləri olduqları kimi qalacaq. Qeyd etmək lazımdır ki, iPhone 15 smartfon seriyası gələn həftənin ikinci günündə təqdim ediləcək.