main-post-cover

    iPhone 15 smartfonlarının RAM yaddaşları məlum olub

    Cihazlar+
    13.09.2023
    Farid Pardashunas
        Apple dünən iPhone 15 smartfon seriyasının təqdimatını keçirtdi. Şirkət adətən öz smartfonlarının təqdimatları zamanı onların batareya həcmləri və hansı göstəricidə RAM yaddaşına sahib olmaları barəsində məlumat vermir. iPhone 15 smartfon seriyasının təqdimatı da istisna hal olmayıb. Lakin indi sözügedən yeni iPhone modellərinin hansı göstəricidə RAM yaddaşına sahib olduqları məlum olub. Proqram təminatı tərtibatçılığı üçün nəzərdə tutulmuş Xcode adlı tərtibatçılıq mühitinin 15-ci versiyasında xüsusi faylları aşkar edilib və həmin fayllar iPhone 15 smartfonlarının RAM göstəricilərini özlərində birləşdiriblər.
        Həmin fayllar sayəsində məlum olub ki, iPhone 15 və iPhone 15 Plus modelləri keçən ilki iPhone 14 iPhone 14 Plus modellərinin sahib olduqları RAM yaddaşını əldə ediblər. Yəni söhbət 6 GB-lıq RAM-dan gedir. iPhone 15 Pro iPhone 15 Pro Max modelləri isə 8 GB RAM ilə təchiz olunublar. Müqayisə üçün qeyd etmək lazımdır ki, keçən ilki iPhone 14 Pro iPhone 14 Pro Max modelləri 6 GB RAM-a sahibdirlər. 
    Linki kopyala

    Bənzər xəbərlər

    Oxşar xəbərlər