Technote.az “Apple Insider” platformasına istinadən bildirir ki, Apple 2025-ci ilin ən çox satılan smartfonlar siyahısında üstünlüyü ələ alıb. Yeni açıqlanan məlumatlara əsasən, 2025-ci ildə dünyada ən çox satılan smartfon iPhone 16 olub. Ümumilikdə isə Apple ilk 10-luqda 7 model ilə təmsil olunub, qalan yerlər isə Samsung-a məxsusdur.

    Bazar araşdırma şirkəti Counterpoint Research tərəfindən təqdim edilən siyahıya görə, Apple-ın 2024-cü il üçün nəzərdə tutulan baza modeli olan iPhone 16 alıcılar arasında ən populyar seçimə çevrilib. Siyahının ilk dörd pilləsini isə tamamilə Apple modelləri tutur. İkinci yerdə iPhone 16 Pro Max, üçüncü yerdə iPhone 16 Pro, dördüncü pillədə isə Apple-ın 2025-ci il flaqmanı iPhone 17 Pro Max qərarlaşıb. Apple xaricində ilk model isə beşinci yerdə olan Samsung Galaxy A16 5G olub.