main-post-cover

    iPhone 16-da yeni növ OLED ekrandan istifadə edilə bilər

    Cihazlar+
    05.09.2023
    Farid Pardashunas
        Apple pərəstişkarları gələn həftə baş tutacaq iPhone 15 təqdimatını səbrsizliklə gözlədikləri bir vaxtda Apple artıq iPhone 16-nın layihələşdirilməsinə start verib. Cənubi Koreyanın The Elec saytının vermiş olduğu məlumata əsasən şirkət hal hazırda LG Samsung tərəfindən təklif edilən yeni növ smartfon ekranını nəzərdən keçirir. Məlumatda qeyd edilib ki, sözügedən şirkətlər mikrolinz matrisası (MLA) texnologiyasının tətbiqi ilə yeni növ OLED ekran yaradıblar. İşığın bu texnologiya vasitəsilə fokuslanması hesabına ekran parlaqlığı daha öncəki ekranların enerji sərfiyyatları halında daha yüksək olur.
        Bununla belə ekranın yüksək parlaqlığına ehtiyac duyulmadığı hallarda ekran daha az enerji sərf edəcək. Lakin sözügedən texnologiyanın bəzi mənfi özəllikləri də var. Məsələn MLA texnologiyasının tətbiqi ekran parlaqlığını ona müəyyən bucaq altında baxış zamanı aşağı salır. Bununla yanaşı sözügedən texnologiyanın tətbiqi ilə hazırlanan OLED ekran daha baha başa gəlir. Məlumata əsasən Apple, LG və Samsung-dan MLA ekran nümunələrinin təqdim edilməsini  istəyib. Lakin nəticədə MLA texnologiyası əsasında hazırlanmış OLED ekranların iPhone 16 modellərində istifadə ediləcəyi dəqiq deyil.
    Linki kopyala

    Bənzər xəbərlər

    Oxşar xəbərlər