iPhone 16 Pro Max-ın maya dəyəri məlum olub

     TD Cowen şirkətinin analitikləri iPhone 16 Pro Max-ın 256 GB daxili yaddaş həcminə sahib versiyasının bütün daxili komponentlərinin qiymətlərini təyin edərək bu smartfonun istehsalının Apple şirkətinə hansı qiymətə başa gəldiyini öyrəniblər. Məlum olub ki, iPhone 16 Pro Max-da istifadə edilən komponent və materialların ümumi qiyməti 453$-dan 485$-a yüksəlib. Keçən ilki iPhone 15 Pro Max-da istifadə edilən komponent və materialların ümumi qiyməti məhz 453$ təşkil edirdi. Məlum olub ki, iPhone 16-nın ən bahalı komponentlərindən biri 6.9 düym ölçülü OLED ekrandır.

      Onun qiyməti 80$ təşkil edir və o, iPhone 16 Pro Max-ın maya dəyərinin 16%-ni əhatə edir. Üstəlik iPhone 16 Pro Max-da LPDDR5 əvəzinə LPDDR5X standartlı RAM yaddaşından istifadə edilir. Bu standartlı RAM yaddaşının qiyməti isə 17$ təşkil edir. Smartfonun sahib olduğu prosessorun qiyməti 40$-dan 45$-a yüksəlib. 256 GB daxili yaddaş çipinin qiyməti 22$, arxa kameraların ümumi qiyməti isə 80$-dır. iPhone 16 Pro Max-da istifadə edilən digər komponent və materialların qiymətləri ilə fotodan tanış olmaq olar. Nəticədə söyləmək olar ki, iPhone 15 Pro Max-ın istehsalı ilə müqayisədə iPhone 16 Pro Max-ın istehsalı Apple şirkətinə 32$ daha baha başa gəlir.

Bənzər xəbərlər

Cihazlar+

Yaxın gələcəkdə MacBook və iMac modelləri tamamilə şüşədən ibarət ola bilər!

Apple, yaxın zamanda aldığı patentlə MacBook Air və iMac modellərində şüşə xarici səthdən istifadə etmək ehtimalını gündəmə gətirib. Patent, cihazların xarici gövdəsində giriş/çıxış funksiyalarının tətbiq oluna biləcəyini və hətta gələcəkdə şüşə klaviaturalı MacBook Air modellərinin ola biləcəyini göstərir.

Cihazlar+

Növbəti iPhone SE ilə iPad Air-in nə zaman təqdim olunacağı açıqlanıb

Bloomberg saytının məşhur insayderi Mark Gurman, Apple şirkətinin növbəti yeni cihazları barəsində təfərrüatları bölüşüb.

Cihazlar+

Yeni MacBook Pro-nun bəzi texniki imkanları ortaya çıxıb

İnsayderlər Apple şirkətinin yeni prosessoru vasitəsilə çalışacaq növbəti MacBook Pro noutbukunun qutusunun bir hissəsinin fotosunu təqdim ediblər.

Cihazlar+

iPhone 17 Pro smartfonları yeni fiziki düyməni əldə edə bilərlər

iPhone 16 smartfonlarının yenicə satışa çıxmalarına baxmayaraq artıq indidən gələn ilki iPhone 17 smartfonları barəsində məlumatlar ortaya çıxır.

Elm & Texnologiya

Oğurlanan yarım milyon dollar dəyərindəki bir Ferrari, AirPods sayəsində tapılıb!

Təxminən yarım milyon dollar dəyəri olan Ferrari, avtomobildəki AirPods qulaqlığı sayəsində tapılıb.