iPhone 16 smartfonları Wi-Fi 7 dəstəyinə sahib ola bilərlər

    Ming-Chi Kuo adlı məşhur analitikin verdiyi məlumata əsasən gələn il təqdim olunacaq iPhone 16 smartfon seriyası böyük ehtimal ilə Wi-Fi 7 dəstəyini əldə edəcək. Bu, ilk növbədə iPhone 16 smartfonlarının Apple Vision Pro qarışıq reallıq cihazı ilə daha yaxşı şəkildə çalışmaları üçün ediləcək. “iPhone 16 smartfon seriyası böyük ehtimal ilə Wi-Fi 7 dəstəyini əldə edəcək. Bu, Apple şirkətinin bir lokal şəbəkə çərçivəsində çalışan hardware məhsullarının daha yaxşı inteqrasiyası üçün ediləcək. Bununla yanaşı bu, ekosistem ilə daha yaxşı qarşılıqlı əlaqə təcrübəsini mümkün edəcək” - deyə analitik qeyd edib. Wi-Fi 7 AR və VR üçün yeni imkanlar açır. İstifadəçilər bu texnologiyadakı yüksək sürət sayəsində AR və VR mühitdə tamamilə yeni istifadəçi təcrübəsini əldə edə biləcəklər.