iPhone 17 Air qoruyucu keysinin CAD render fotosu təqdim edilib

     İnternetdə iPhone 17 seriyası ilə bağlı yeni sızıntılar yayılmağa davam edir və bu dəfə iPhone 17 Air modeli üçün hazırlanmış qoruyucu keysin CAD render görüntüsü ortaya çıxıb. Bu sızma iPhone seriyasına yeni bir modelin əlavə olunacağı ilə bağlı şayiələri təsdiqləyir. Majin Bu ləqəbli məşhur insayder, X (keçmiş Twitter) sosial şəbəkəsində keysin fotosunu paylaşaraq yeni dizayn haqqında məlumatlar verib. Görüntüdə əsas kamera modulunun oval formalı kamera sahəsində yerləşəcəyi görünür. Bu isə Pixel 9 seriyasının dizaynına bənzəyir.

     Keysin alt hissəsində USB Type-C girişi və yeni dizayna malik iki mikrofon və səsgücləndirici qəfəsi yerləşir. Sağ tərəfdə 3 fiziki düymə mövcuddur. Əvvəlki şayiələrə görə, iPhone 17 Air smartfonu 6.6 düym ölçülü ekranla təchiz olunacaq, A19 prosessoru vasitəsilə çalışacaq, 8 GB RAM-ı əldə edəcək və təxminən 3000-3500 mAh enerji tutumlu batareyaya sahib olacaq. Bununla yanaşı iPhone 17 Air-də fiziki SIM kart girişinin olmayacağı gözlənilir. Qeyd etmək lazımdır ki, sözügedən iPhone modeli öz nazik gövdəsi ilə seçilməlidir. Son məlumat sızıntılarına inansaq, iPhone 17 Air-in gövdə qalınlığı 5.5 mm təşkil edəcək.

Mənbə: Majin Bu

Bənzər xəbərlər

Cihazlar+

Statistika: Alıcıların çoxu premium smartfonlara üstünlük verməyə başlayıb

2024-cü ildə dünya üzrə satılmış smartfonların təxminən 25%-i 600$ və daha yüksək orta topdan satış qiymətinə malik olub. Counterpoint Research-ün yeni məlumatları göstərir ki, premium cihazlara tələbat artır və getdikcə daha çox insan bahalı smartfonlar almağa üstünlük verir.

Cihazlar+

Apple M5 prosessorlu MacBook Pro bu ilin ikinci yarısı üçün gözlənilir

Apple bu ilin ikinci yarısında növbəti nəsil Apple M5 çipi ilə təchiz olunmuş MacBook Pro noutbukunu təqdim edəcək. Daha sonra isə 2026-cı ilin birinci yarısında bu prosessor yenilənmiş iPad Pro planşetlərində də yer alacaq.

Cihazlar+

Məşhur insayder qatlana bilən iPhone-nun ekran ölçülərini açıqlayıb

Apple-ın qatlana bilən smartfonu haqqında yeni məlumatlar yayılıb. Ortaya çıxmış yeni məlumata əsasən bu cihaz, Galaxy Fold seriyasından daha kiçik, lakin birinci nəsil Pixel Fold modelinə yaxın ölçüdə olacaq.

Elm & Texnologiya

Apple aktiv şəkildə robototexnika layihələri ilə məşğul olur

Apple robototexnika sahəsində aktiv araşdırmalar aparır və həm humanoid (insanabənzər), həm də qeyri-humanoid qurğular üzərində işləyir.

Cihazlar+

Apple 27 düym-lük mini-LED ekrana sahib yeni Studio Display monitoru üzərində çalışır

Apple yeni 27 düym ölçülü mini-LED ekrana sahib monitor üzərində çalışır və bu monitor 2025-ci ilin sonuna qədər təqdim oluna bilər. Bu barədə məlumatı məşhur insayder Ross Young təqdim edib.