iPhone istifadəçiləri üçün “Messages via Satellite” artıq Yaponiyada da aktivdir

     Technote.az “Apple Insider” platformasına istinadən bildirir ki, Apple peyk üzərindən mesajlaşma funksiyasını Yaponiyada istifadəyə verib. Bununla da Yaponiya, ABŞ, Kanada və Meksikadan sonra bu xüsusiyyəti alan dördüncü ölkə oldu.

    “Messages via Satellite” funksiyası iPhone istifadəçilərinə Wi-Fi və ya mobil şəbəkə olmadığı zaman belə SMS göndərməyə imkan verir. Şəbəkə kəsildikdə iPhone istifadəçiyə bildiriş göstərir və onu peykə qoşularaq mesajları göndərməyə və qəbul etməyə yönləndirir.

     Bu xüsusiyyət ilk dəfə WWDC 2024 tədbirində elan edilmiş və daha sonra iOS 18 ilə ABŞ və Kanadada istifadəyə verilmişdi. 2025-ci ilin may ayında isə iOS 18.4 yeniləməsi ilə Meksikada aktiv oldu. MacRumors-un məlumatına görə, Apple indi funksiyanı Yaponiyada istifadəyə açıb.

    Xidmətdən istifadə etmək üçün iPhone 14 və ya daha yeni model tələb olunur. ABŞ, Kanada və Yaponiyada iOS 18 və ya daha yenisi, Meksikada isə iOS 18.4 və ya daha yenisi lazımdır.