iPhone SE 2025-in yeni fotoları təqdim edilib

     Apple şirkəti yaxın aylar ərzində növbəti iPhone SE smartfonunu təqdim etməlidir. Son zamanlarda isə bu smartfon barəsində daha çox məlumat ortaya çıxmağa başlayıb. Bu öz növbəsində təqdimatın yaxınlaşdığından xəbər verir. Technote.az Gadgets360.com saytına istinadən xəbər verir ki, Majin Bu adlı məşhur insayder növbəti iPhone SE-nin yeni fotolarını təqdim edib. Fotolardan bəzilərində növbəti iPhone SE smartfonu iPhone 16 ilə yan-yana əks olunub.

     Digər fotolarda yeni iPhone SE-ni müxtəlif rakurslardan qiymətləndirmək olar. Fotolardan da görmək olar ki, növbəti iPhone SE modeli özündə müasir dizaynı birləşdirəcək. Smartfon yastı gövdə dizaynını əldə edəcək və bəzi məlumatlara əsasən fiziki Home düyməsindən məhrum olacaq. Smartfonun arxa panelində isə bir ədəd kamera yerləşəcək. Bu, çox güman ki, smartfonun aşağı qiymətə satılması istiqamətində atılmış bir addımdır. Son məlumat sızıntılarına inansaq, növbəti iPhone SE smartfonu 6.1 düym ölçülü ekranla təchiz olunacaq və Apple A18 prosessoru vasitəsilə çalışacaq.

 

Bənzər xəbərlər

Cihazlar+

İlk iPad planşetinin 15 yaşı tamam olub

Technote.az Macrumors saytına istinadən bildirir ki, 15 il əvvəl, 2010-cu ilin yanvar ayının 27-də, Apple dünyaya ilk iPad-i təqdim etdi. Apple şirkətinin təsisçisi və CEO-su olmuş Steve Jobs tərəfindən təqdim olunmuş bu cihaz "möcüzəvi və inqilabi" bir cihaz olaraq tanındı.

Proqram Təminatı

Apple visionOS-in smart eynək üçün olan versiyasını hazırlayır

Technote.az MacRumors saytına istinadən bildirir ki, Apple şirkəti Apple Vision Pro üçün nəzərdə tutulmuş əməliyyat sistemi olan visionOS-in smart eynəklər üçün nəzərdə tutulmuş versiyası üzərində çalışır.

Cihazlar+

Növbəti iPhone SE-nin xarici görünüşü video vasitəsilə sərgilənib

Apple şirkətinin yaxın aylar ərzində təqdim edəcəyi gözlənilən növbəti iPhone SE smartfonu barəsində məlumatlar ortaya çıxmağa davam edir.

Cihazlar+

Bu il nazik gövdəli smartfonların ili olacaq

Görünür, bu il nazik gövdəli smartfonların ili olacaq. Samsung 22 yanvar tarixində Galaxy Unpacked 2025 tədbirinin sonunda nazik gövdəli Galaxy S25 Edge smartfonunu anons etdi.

Tech-Biznes

ABŞ sanksiyalarından sonra Huawei ilk dəfə Çin smartfon bazarında liderliyini geri qaytarıb

Counterpoint Research şirkəti dünyanın əsas smartfon bazarlarından biri olan Çin bazarının 2024-cü ilin yekunu üzrə statistikasını təqdim edib.