Çinli istifadəçilərin verdikləri məlumata əsasən adi istifadə rejimi çərçivəsində onların iPhone 14 Pro smartfonlarının batareyaları şişməyə başlayır. Bu isə öz növbəsində smartfon ekranının gövdədən aralanmasına gətirib çıxarır. Keçən ilin dekabr ayında iPhone 14 Pro almış çinli istifadəçilərdən biri məhz bu cür hal ilə qarşılaşıb. İstifadəçi bildirib ki, o bu mövzu ilə bağlı Apple şirkətinin dəstək xidməti ilə 3 dəfə əlaqə saxlayıb.

    Lakin dəstək xidməti ona yeni iPhone 14 Pro-nun təqdim edilməsindən imtina edib. Digər istifadəçilər isə bildiriblər ki, onlar bu problemin aradan qaldırılması üçün smartfonlarını dəstək xidmətinə göndəriblər və dəstək xidmətinin mütəxəssisləri şişmiş batareyalar problemini aradan qaldırıblar. Lakin bununla belə sözügedən problem barəsində ətraflı bir məlumat verilməyib. Bu problemin hansı miqyasa sahib olduğu aydın deyil. Apple isə bu məsələyə rəsmi bir fikir bildirməyib.