Kiberidmançılar üçün Philips Evnia 25M2N5200U gaming monitoru təqdim edilib - QİYMƏTİ

     Philips şirkəti kiberidmançılar üçün nəzərdə tutulmuş yeni gaming monitorunu təqdim edib. Bu yeni monitor Philips Evnia 25M2N5200U adlanır. Beləliklə Philips-in kiberidmançılar üçün nəzərdə tutulmuş bu yeni monitoru 360 Hz-lik təsvir yenilənməsinə sahib 1920x1080 piksel keyfiyyətli 24.5 düym ölçülü Fast IPS ekranla təchiz olunub. Lakin ekranın təsvir yenilənməsi göstəricisini 390 Hz-ə yüksəltmək mümkündür. Ekranın maksimal parlaqlıq səviyyəsi 400 nit, istifadəçi əməliyyatlarına reaksiya müddəti isə 1 millisaniyə təşkil edir. Ekran sRGB rəng diapazonunun 110%-ni, Adobe RGB rəng diapazonunun 86%-ni, DCI-P3 rəng diapazonunun isə 84%-ni əhatə edir. Monitor HDMI 2.0, DisplayPort 1.4 girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi əldə edib.