Klassik oyun sevənlər üçün ikiqat funksiyalı konsol endirimdə

    Technote.az “Mashable” platformasına istinadən bildirir ki, retro oyun həvəskarları və eyni zamanda film-serial izləməyi sevənlər üçün maraqlı bir cihaz endirimə çıxıb. Kinhank Super Console X2 Pro Retro Gaming Emulator və Streaming Console həm klassik oyun konsolu, həm də Android əsaslı smart TV qurğusu kimi işləyir.

    Hazırda cihaz 84,97 dollar qiymətinə (əvvəlki qiymət 159,99 dollar), üstəlik pulsuz çatdırılma ilə 11 yanvar tarixinədək satışdadır. Kinhank Super Console X2 Pro minlərlə retro oyunu əvvəlcədən yüklənmiş vəziyyətdə təqdim edir. Nintendo, Atari və PlayStation kimi klassik platformalara aid oyunları birbaşa oynamaq mümkündür və əlavə kartric və ya disk tələb olunmur. Bundan əlavə, istifadəçilər istəsələr 3D oyunları da pulsuz şəkildə yükləyə bilirlər.

    Cihaz S905X2 prosessoru və Mali-G31MP2 qrafik çipi ilə təchiz olunub. Bu da oyunlarda stabil performans və 4K keyfiyyətində görüntü əldə etməyə imkan verir. Konsol təkcə oyun üçün nəzərdə tutulmayıb. Android 9.0 əməliyyat sistemi sayəsində Netflix, Hulu, Disney+ və digər məşhur platformaların tətbiqlərini yükləyərək serial və filmləri birbaşa televizorda izləmək mümkündür. Qurğu TV, noutbuk və ya proyektora rahatlıqla qoşula bilir.