main-post-cover

    Kompakt ölçülü Sony Xperia 5 V smartfonu təqdim edilib - QİYMƏTİ

    Cihazlar+
    01.09.2023
    Farid Pardashunas
        Berlində start götürmüş IFA 2023 sərgisi çərçivəsində Sony şirkəti Xperia 5 V adlı yeni kompakt ölçülü smartfonunu təqdim edib. Xperia 5 V daha öncəki Xperia modellərinin özəlliklərini özündə qoruyub saxlayıb. Buna misal olaraq naqilli qulaqlıqlar üçün nəzərdə tutulmuş 3.5 mm-lik audiogirişi və kameranın idarəsi üçün ayrıca fiziki düyməni gətirmək olar. Beləliklə Sony Xperia 5 V smartfonu 120 Hz-lik təsvir yenilənməsinə sahib Full HD+ keyfiyyətli 6.1 düym OLED ekran ilə təchiz olunub.
        Ənənəyə sadiq qalaraq Xperia 5 V-in ekranında da ön kamera üçün heç bir çıxıntı hissə yoxdur. Ön kamera smartfon ekranının yuxarı hissəsində yerləşən çərçivə daxilindədir. Bununla yanaşı smartfon həm arxa həm də ön paneldən Gorilla Glass Victus 2 qoruyucu şüşəsi ilə əhatə olunub. Barmaq izi skanı texnologiyası yandırıb/söndürmə düyməsinə inteqrasiya edilib. Üstəlik smartfionun gövdəsi IP68 standsartı üzrə sudan qorunur. Xperia 5 V özündə kontaktsız ödənişlər üçün NFC çipi və Dolby Atmos dəstəkli stereo səsgücləndiriciləri birləşdirir.
        Əsas texniki göstəricilərə gəldikdə isə smartfon Snapdragon 8 Gen 2 prosessoru, 8 GB RAM, 128 GB daxili yaddaş həcmi (1 TB-a kimi microSD dəstəkli), 52 MP + 12 MP ikili arxa kamera, 12 MP-lik ön kamera və 30 vatt gücündə sürətli şarj texnologiyalı 5000 mAh enerji tutumlu batareya ilə təchiz olunub. Xperia 5 V Android 13 vasitəsilə çalışır. Smartfonun satışlarına bu ayın sonunda start veriləcək və onun Avropadakı qiyməti 999 avro təşkil edəcək.
    Linki kopyala

    Bənzər xəbərlər

    Oxşar xəbərlər