Kontent yaradıcıları üçün BenQ PV3200U monitoru təqdim edilib - QİYMƏTİ

     BenQ şirkəti kontent yaradıcıları üçün nəzərdə tutulmuş yeni monitorunu təqdim edib. Şirkətin yeni monitoru BenQ PV3200U adlanır. Beləliklə bu yeni monitor 60 Hz-lik təsvir yenilənməsinə sahib 3840x2160 piksel keyfiyyətli 31.5 düym ölçülü IPS ekranla təchiz olunub. Ekranın maksimal parlaqlıq səviyyəsi 400 nit təşkil edir. Ekran 1.07 milyard rəngi əks etdirir və sRGB rəng diapazonunun 100%-ni, DCI-P3 rəng diapazonunun 95%-ni əhatə edir. Monitor özündə 2 vatt gücündə 2 ədəd səsgücləndiricini və 5 vatt gücündə sabvuferi birləşdirir. Monitor HDMI 2.0, USB Type-A, USB-C girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi əldə edib. USB-C girişi vasitəsilə digər cihazları şarj etmək olar. Bunun üçün o, 65 vatt çıxış gücünə sahibdir. BenQ PV3200U artıq satışa çıxıb və onun qiyməti 804 avro təşkil edir.