Kuxiu yeni S3 powerbank-ını təqdim edib

    Technote.az "The Verge" platformasına istinadən bildirir ki, S3 modelinin batareya tutumu iki dəfə artırılaraq 10.000 mAh-a çatdırılıb (5.000 mAh – 7.7V, 38.5 Wh). Şirkətin sözlərinə görə, bu tutum iPhone-un enerji müddətini təxminən iki dəfə artırmağa kifayət edir (modeldən asılı olaraq dəyişir).

    Yeni powerbank Qi2.2 standartını dəstəkləyir və uyğun cihazları simsiz olaraq 25W-a qədər sürətlə şarj edə bilir. Tutum artdığı üçün cihaz S2-dən 100 qram daha ağırdır, lakin Kuxiu maqnitlərin sayını 16-dan 18-ə yüksəldib ki, powerbank telefon arxasından daha çətin qopsun. S3 həmçinin arxa dayağa (kickstand), qalan enerji və şarj vəziyyətini göstərən kiçik ekrana və digər cihazları 35W-a qədər sürətlə doldura bilən USB-C kabelinə malikdir.

    Bütün bu üstünlüklərə baxmayaraq, S3 klassik powerbanklardan daha bahadır. Hazırda rəsmi qiyməti 149.98 dollar olsa da, məhdud müddət üçün 68.99 dollara endirilib. Bunun əsas səbəbi bərkhaləli batareya texnologiyasının hələ də yeni olmasıdır. Lakin ənənəvi powerbanklar 300–500 dövrədən sonra tutum itirdiyi halda, S3 təxminən 1.000 dövrədən sonra belə tutumunun 80 %-ni qorumağa qadirdir. Bu isə həm daha uzun ömür, həm də zərbə və həddindən artıq qızma kimi risklərin azalması deməkdir.