LG UltraGear 27G810A gaming monitoru təqdim edilib - QİYMƏTİ

     LG şirkəti öz yeni gaming monitorunu təqdim edib. Şirkətin yeni gaming monitoru LG UltraGear 27G810A adlanır. Bu yeni monitor iki rejimdə çalışması ilə seçilir. Birinci rejim çərçivəsində 180 Hz-lik təsvir yenilənməsi və 4K UHD görüntü keyfiyyəti, ikinci rejim çərçivəsində isə 360 Hz-lik təsvir yenilənməsi və Full HD görüntü keyfiyyəti təmin olunur. Monitorun özü 27 düym ölçülü IPS ekranla təchiz olunub. Ekranın standart parlaqlıq səviyyəsi 400 nit, istifadəçi əməliyyatlarına reaksiya müddəti isə 1 millisaniyə təşkil edir. Ekran DCI-P3 rəng diapazonunun 95%-ni əhatə edir. Monitor özündə AMD FreeSync Premium и NVIDIA G-SYNC texnologiyalarının dəstəklərini birləşdirir. Monitor HDMI 2.1, DisplayPort 1.4 girişlərini əldə edib. LG UltraGear 27G810A-nı artıq Çində 417$-a ön sifariş etmək olar. Lakin onun nə zaman satışa çıxacağı və digər regionlarda satılıb-satılmayacağı açıqlanmayıb.