Məşhur analitik iPhone 16 Pro barəsində məlumat verib

    iPhone 15 smartfonlarının satışlarına hələ başlamamasına baxmayaraq artıq iPhone 16 smartfon seriyası barəsində məlumatlar ortaya çıxır. Belə ki, məşhur analitik Ming-Chi Kuo gələn ilki iPhone 16 Pro barəsində məlumat verib. Qeyd etmək lazımdır ki, iPhone 15 Pro Max modelini adi iPhone 15 Pro-dan fərqləndirən əsas özəllik ondadır ki, iPhone 15 Pro Max 5 qat zoom özəlliyinə sahib periskop kamera ilə təchiz olunur. Ming-Chi Kuo-nun sözlərinə əsasən isə gələn ilki iPhone 16 Pro modeli də həmin kameranı əldə edə bilər. Lakin bunun dəqiq şəkildə iPhone 15 Pro Max-dakı periskop kamera olacağı hələ dəqiq deyil. iPhone 16 Pro-da eyni kameranın olacağı halda iPhone 16 Pro Max daha təkmilləşdirilmiş periskop kameranı əldə edə bilər.