main-post-cover

    Məşhur analitik iPhone 16 Pro və iPhone 16 Pro Max ekranları barəsində məlumat verib

    Cihazlar+
    17.05.2023
    Emil Nəcəfov
        Məşhur analitik Ming-Chi Kuo gələn il təqdim olunacaq iPhone 16 Pro iPhone 16 Pro Max smartfonları barəsində yeni məlumatlar verib. Analitikin sözlərinə əsasən sözügedən smartfonlar daha böyük ölçülü ekranları əldə edəcəklər. Belə ki, iPhone 16 Pro modeli 6.3 düym, iPhone 16 Pro Max modeli isə 6.9 düym ekranla təchiz olunacaq. iPhone 14 Pro iPhone 14 Pro Max ilə müqayisədə iPhone 16 Pro ilə iPhone 16 Pro Max ekranları 0.2 düym böyüyəcəklər.
        Lakin nəyə görə Apple şirkəti sözügedən smartfonlara böyük ölçülü ekranlar quraşdıracaq? Əsas səbəb smartfonlarda yeni periskop kamera obyektivinin olacağı ilə bağlıdır. Məlumata əsasən iPhone 16 Pro ilə iPhone 16 Pro Max-dakı yeni periskop kamera obyektivi yaxşılaşdırılmış zoom özəlliyini təmin edəcək. Gözləntilərə əsasən kamera 5-6 qat optik zoom-u mümkün edəcək. iPhone 16 Pro ilə iPhone 16 Pro Max-da ola biləcək daha bir yenilik ekranın alt hissəsinə yerləşdirilmiş Face ID texnologiyasıdır. Bu halda smartfonların ekranları üzərində geniş ölçülü çıxıntı hissənin reallaşdırılmasına ehtiyac qalmayacaq.
    Linki kopyala