Məşhur insayder Apple AirPods 4 barəsində növbəti məlumatları təqdim edib

Cihazlar+

18.12.2023

Emil

Bloomberg saytının məşhur insayderi Mark Gurman 4-cü nəsil AirPods naqilsiz qulaqlığı barəsində növbəti məlumatları təqdim edib. İnsayderin sözlərinə əsasən AirPods 4 iki versiyada təqdim olunacaq və onlar müxtəlif gövdə rənglərinə sahib olacaqlar. Məlumata əsasən bu, həm AirPods 2-ni həm də AirPods 3-ü əvəzləmək üçün atılmış addımdır. İnsayder bildirib ki, AirPods 4-ün iki versiyasından biri özündə ətraf səs-küyün aktiv boğulması funksiyasını birləşdirəcək və baha qiymətə satılacaq versiya məhz o olacaq.

Qeyd etmək lazımdır ki, hal-hazırda ətraf səs-küyün aktiv boğulması funksiyasına yalnız AirPods Pro modelləri sahibdirlər. Bundan əlavə olaraq Apple AirPods 4-ün dizaynında da dəyişiklik edəcək. Bununla yanaşı yeni naqilsiz qulaqlığın şarj keysi Lightning əvəzinə USB-C girişi ilə təchiz olunacaq. Məlumatda qeyd edilib ki, AirPods 4-ün əsas fərqləndirici özəlliyi ondan ibarət olacaq ki, o, eşitmə aparatının funksionallığına sahib olacaq. Beləliklə istifadəçi AirPods 4-ü üstəlik eşitmə aparatı qismində də istifadə edə biləcək. Çox güman ki, AirPods 4 naqilsiz qulaqlığı gələn ilin sentyabr ayında iPhone 16 smartfon seriyası ilə birgə təqdim olunacaq.

Paylaş

Bənzər xəbərlər