Məşhur insayder Galaxy Z Flip 5-in dizaynını Galaxy Z Flip 4 ilə müqayisə edib

    Ice Universe lıqəbli məşhur insayder qatlana bilən qapaqlı Galaxy Z Flip 5-in yeni fotosunu təqdim edərək onun xarici görünüşünü keçən ilki Galaxy Z Flip 4 ilə müqayisə edib. Təqdim olunmuş foto yeni smartfon barəsində daha öncə olmuş məlumat sızıntılarını təsdiqləyir. Belə ki, Galaxy Z Flip 5 həqiqətən də böyük ölçülü xarici ekrana sahib olacaq. Onun 3.4 düym ölçüdə olacağı gözlənilir. Müqayisə üçün qeyd etmək lazımdır ki, keçən ilki Galaxy Z Flip 4 smartfonu 1.9 düym ölçülü xarici ekran ilə təchiz olunur. Digər texniki özəlliklərə gəldikdə isə Galaxy Z Flip 5-in 120 Hz-lik təsvir yenilənməsinə sahib 6.7 düym daxili OLED ekran, Snapdragon 8 Gen 2 prosessoru və 25 vatt gücündə sürətli şarj texnologiyalı 4000 mAh enerji tutumlu batareya ilə təchiz olunacağı gözlənilir.