Evan Blass adlı məşhur insayder Motorola Edge 40 smartfonunun yeni keyfiyyətli render fotolarını təqdim edib. Fotolardan da görmək olar ki, Motorola Edge 40 smartfonu xarici görünüşcə Motorola Edge 40 Pro-ya bənzəyir. Lakin Motorola Edge 40 Pro-dan fərqli olaraq Edge 40 modeli ikili arxa kameraya sahib olacaq.

    Fotolardan birində görmək olar ki, adi Edge 40 modeli kənarları əyilmiş dizaynda reallaşdırılmış. ekran ilə təchiz olunacaq. Son məlumat sızıntılarına əsasən sözügedən smartfon özündə 144 Hz-lik təsvir yenilənməsinə sahib 6.55 düym OLED ekranı, MediaTek Dimensity 8020 prosessorunu və 68 vatt gücündə sürətli şarj texnologiyalı 4400 mAh enerji tutumlu batareyanı birləşdirəcək. Bununla yanaşı smartfon gövdəsinin IP68 standartı üzrə sudan qorunacağı gözlənilir.