Məşhur insayder nazik gövdəli iPhone 17 Air-in xarici görünüşünü sərgiləyib

     Apple bu ilin ikinci yarısında iPhone 17 seriyasını təqdim edəcək. Artıq bir neçə ay ərzində ortaya çıxmış məlumatlara əsasən bu seriyaya daxil olacaq modellərdən biri də nazik gövdəli iPhone 17 Air olacaq. İndi isə Jon Prosser adlı məşhur insayder Apple şirkətinin bu ilin ikinci yarısı üçün gözlənilən nazik gövdəli bu smartfonu haqqında yeni məlumatlar paylaşıb. Qeyd etmək lazımdır ki, daha öncə bu model iPhone 17 Slim adı ilə tanınırdı.

     Son sızıntılara görə iPhone 17 Air modelinin arxa panelində tək kamera mövcud olacaq. İnsayder tərəfindən təqdim edilmiş render fotolardan da görmək olar ki, smartfonun arxa panelindəki kamera sahəsi oval formasındadır və o, yuxarı hissəsini tamamilə əhatə edir. Bu baxımdan smartfonun dizaynı Google Pixel seriyasının dizaynını xatırladır. Əgər təqdim edilmiş bu render fotolar həqiqəti əks etdirirlərsə, Apple şirkətinin iPhone 17 Air modelində nəyə görə yalnız 1 ədəd kameradan istifadə etməsi sualı ortaya çıxır.

     Ola bilsin ki, bunun əsasə səbəbi smartfonun olduqca nazik gövdəyə sahib olacağındadır. Belə ki, bəzi məlumatlara əsasən smartfonun gövdə qalınlığı 5.5 mm təşkil edəcək. Digər tərəfdən Apple bu addımı istehsal xərclərini azaltmaq məqsədilə atmış ola bilər. Gözləntilərə əsasən iPhone 17 Air modelinin arxa panelində 48 MP-lik əsas kamera yerləşəcək.

Mənbə: Gadgets360

Bənzər xəbərlər

Cihazlar+

iPhone 17 Air qoruyucu keysinin CAD render fotosu təqdim edilib

İnternetdə iPhone 17 seriyası ilə bağlı yeni sızıntılar yayılmağa davam edir və bu dəfə iPhone 17 Air modeli üçün hazırlanmış qoruyucu keysin render görüntüsü ortaya çıxıb.

Cihazlar+

Statistika: Alıcıların çoxu premium smartfonlara üstünlük verməyə başlayıb

2024-cü ildə dünya üzrə satılmış smartfonların təxminən 25%-i 600$ və daha yüksək orta topdan satış qiymətinə malik olub. Counterpoint Research-ün yeni məlumatları göstərir ki, premium cihazlara tələbat artır və getdikcə daha çox insan bahalı smartfonlar almağa üstünlük verir.

Cihazlar+

Apple M5 prosessorlu MacBook Pro bu ilin ikinci yarısı üçün gözlənilir

Apple bu ilin ikinci yarısında növbəti nəsil Apple M5 çipi ilə təchiz olunmuş MacBook Pro noutbukunu təqdim edəcək. Daha sonra isə 2026-cı ilin birinci yarısında bu prosessor yenilənmiş iPad Pro planşetlərində də yer alacaq.

Cihazlar+

Məşhur insayder qatlana bilən iPhone-nun ekran ölçülərini açıqlayıb

Apple-ın qatlana bilən smartfonu haqqında yeni məlumatlar yayılıb. Ortaya çıxmış yeni məlumata əsasən bu cihaz, Galaxy Fold seriyasından daha kiçik, lakin birinci nəsil Pixel Fold modelinə yaxın ölçüdə olacaq.

Elm & Texnologiya

Apple aktiv şəkildə robototexnika layihələri ilə məşğul olur

Apple robototexnika sahəsində aktiv araşdırmalar aparır və həm humanoid (insanabənzər), həm də qeyri-humanoid qurğular üzərində işləyir.