OnePlus şirkətinin OnePlus Ace adlı smartfon seriyası olduqca uğurlu oldu. Şirkət artıq bu seriya çərçivəsində bir neçə smartfonu təqdim edib. Onlardan ən yenisi isə OnePlus Ace 2 Pro-dur. Artıq sirr deyil ki, şirkət hal hazırda Ace 3 üzərində çalışır. Digital Chat Station ləqəbli məşhur insayder öz növbəsində OnePlus Ace 3 barəsində məlumatları təqdim edib. İnsayder ilk növbədə qeyd edib ki, OnePlus Ace 3 smartfonu qlobal bazarda OnePlus 12R adı ilə satışa çıxacaq.

    Məlumatda qeyd edilib ki, hər iki smartfon Snapdragon 8 Gen 2 prosessoru vasitəsilə çalışacaq və özündə 100 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək. Bununla yanaşı OnePlus Ace 3 smartfonu 50 MP + 32 MP + 8 MP üçlü arxa kameraya sahib olacaq. İnsayder əlavə edib ki, hər iki smartfon kənarları əyilmiş dizaynda reallaşdırılmış ekran ilə təchiz olunacaq. OnePlus Ace 3-ün gələn il təqdim olunacağı gözlənilir.